يا ناشد عالغير و ناسي..

قلبي ينشد دوم عليك

تفكّرني مرّة يا قاسي

الخاطر ديمة يفكّر فيك

علاش تنكر كلمات عيوني

و انت ادرى باللي صار

محيّرني في وسط ظنوني

مخلّيني بين جنّة و نار

و كان جيتك مرّة و شكيت

و عالحيرة بعيوني حكيت

تزهى عاللي في احساسي

و انا روحي مرهونة بيك

نحبّك .. ما هو بايدي

و شن ذنبي لو قلبي اختارك ريدي

و مش لايمك انت يا فرحي و عيدي

لكن الرجا عندي غالب ياسي

و انا رجايا ديمة فيك

*