 |
إنتِ | |
|
|
هي من الاول كنت إنت وإنت وبس .. اللي كنت وبيك إنت كانت الكلمة والكلمة اندسّت في الخاطر وانا بيها عايش ونخاطر لأجل عيونك يا للى وسط عيوني سكنتي
الدنيا اولها إنت وحياتي اولها إنت والخاطر ما عشق وخاطر الا بعد ما شافك إنت ياكل الكون وبعد الكون يا أصل الكلمة واصل النغمة واصل اللون يا للى الزمان من يومن كان وليوم ماعاد يبقى في ها الدنيا زمان حدوده خصلة من شعرك انت ومكانه نظرة منك انت *** كذبوا عليّ .. وجابولي في الحب معاني معنى قريب ومعنى بعيد ومعنى مخفي وبرّاني وشرحوا لي .. قالوا عالحب وجابوا لي فيه تفاسير .. خيال مزيّن وتصاوير لكن اللي انا شفته غير .. اللى شفته شفته حقاني اللى شفته فوق كل معاني مش لاقي كلمة نوصف بيها اللى شفته مش لاقي دوّة نعبّر بيها عللى فيك وبيك عرفته ما اصغر هالدنيا ومعناها قدامك انت *** قالوا لي خاطى .. توب بحرك من غير شواطى .. توب طريقك مليانة ذنوب .. توب .. توب وعلاش بنتوب تى هاللى يشوفك .. ما زال يبقى في حياته ذنوب .. ؟ تى هاللى يشوفك .. روحه في لطف المولى تذوب يا آية في القلب تجوب ينده لسياده وين بنتى ومن يومه يجذب .." يا انت"
1980
| |
|
| ||
